最近比D痘痘滋扰左好长时间，连从来都唔使化妆既我每日都要靠化妆来遮住D痘痘。一开始系因为内分泌失调，长左好多痘痘，而自己又衰手痕，成日用手去挤，搞到成面都系印！D痘痘好顽固，哩头生完好翻果头又再生，好苦恼！后来系life见到好多靓女介绍好多唔同既去痘去印方法，本人逐一试过后综合成以下几点：
情况一：如果你系因内分泌失调而生痘痘，请先用中药调理好身体，配合氯酶素眼药水+珍珠粉敷面。
情况二：如果内分泌无问题而反复生痘痘，请服用泰尔丝。由于哩只药系西药，药效强劲，副作用大，所以请配合服用维生素C、维生素B2、维生素B6。哩几只维生素可减轻副作用，而维C可以促进新陈代谢，伤口愈合以及淡化印痕！记住当你既痘痘好翻，请立即停药，配合均衡饮食，以后就唔会再出架喇~
情况三：如果只系间中生一两粒痘痘既，只需用一D暗苍膏就可以，例如（迪维-维A酸）膏/白兔牌/露得清/俄罗那英/氯霉素眼药水/红酶素眼膏等都几好用。
情况四：当痘痘消退后，就会留下印痕，哩个时候可用氯酶素眼药水+珍珠粉敷面，珍珠粉可以美白淡斑。敷完面后，可以用倩碧既宛若新生，用来收毛孔及淡化痘印。
五：日常护理：用有美白功效既护肤品，每个星期定期做一次去角质及美白面膜。
依家我D痘痘都退晒，不过就有好多印，日头出街就会化妆遮住d印，而夜晚黑卸完妆后，我会用深层洗面乳洗面，然后敷氯酶素珍珠粉面膜，十分钟后洗左面上既珍珠粉，再搽上有收毛孔作用既爽肤水，然后再搽(clinique倩碧)既宛若新生。我相信一定可以恢复翻以前人见人赞既靓靓皮肤葛！
以上纯属我个人既意见
